වික්ෂනරි:ආයුබෝවන්
ආයුබෝවන්! වික්‍ෂනරිය යනු, බහු භාෂා ශබ්දකෝෂයකි. එනම් ලොව පවතින ඕනෑ ම භාෂාවක (සිංහල භාෂාව ද ඇතුළුව) ඕනෑ ම වදනක් සඳහා අරුත් විවරුම සිංහල භාෂාවෙන් සැපයීම අපගේ මූලික අරමුණයි.
නමුත් සිංහල වික්‍ෂනරිය තවමත් පවතින්නේ ඉතා ළදරු අවධියක බව කණගාටුවෙන් වුව ද කිව යුතු ය.(කලෙක මෙම ව්‍යාපෘතිය අතහැර දැමීමට පවා යෝජිතව තිබුණි.) මේ වන විට සිංහල වික්‍ෂනරිය දෙමළ, ඉංගිරිසි, සිංහල - සිංහල ශබ්දකෝෂයක් වශයෙන් පමණි ක්‍රියාත්මක වන්නේ.
මේ විකිපීඩියා විශ්වකෝෂ ව්‍යාපෘතියේ වචන කෝෂ සගයා ය. සම්මත ශබ්දකෝෂයක සීමාවන් අතික්‍රමණය කොට, පාඨකයනට වදනක් ගැන පැතිරුණු දැනුමක් ලබා දීම අපේ අරමුණයි. ඒ අනුව මෙය නිගඬුවක, ගැටපද විවරණයක, ආප්තෝපදේශ/උපමා කතා සංග්‍රහයක, භාෂා සංඛ්‍යාන දත්ත සංග්‍රහයක භූමිකාව ද ඉටු කරනු ඇත. හුදෙක් වදනක අරුත පමණක් ඇතුළත් කිරීම අපගේ වෑයම නොවේ. එය සැබැවින් ම වටහා දීම ය, අප ගේ අරමුණ. ඒ සඳහා උපකාර වන්නා වූ, නිරුක්තිය, උච්චාරණය, උපහැරණ වැකි, සමාන පද, හා විරුද්ධ පද ආදිය මෙම ශබ්දකෝෂයට ඇතුළත් කෙරෙනු ලැබේ.
විකිෂනරිය සම්පාදනය කරන්නේ කවු ද?
සංස්කරණයඔබ වැනි මෙහි ආ අය මෙය ගොඩ නංවන්නට දායකත්වය සපයමින් තිබේ. මෙහි පවතින සෑම අකුරක් ම ලිව්වෝ මෙහි පරිශීලකයෝ ම ය. මෙය ඔබ විසින් සංස්කරණය කරන ඔබේ ම ශබ්දකෝෂයයි.
මෙම ශබ්දකෝෂයේ අන්තර්ගතය Creative Commons Attribution-ShareAlike 3.0 Unported License හා GNU Free Documentation License බලපත්‍ර යටතේ නැවත බෙදා හැරීමට හා නැවත නිපදවීමට නිදහස් ය. එමෙන් ම ඔබේ දායකත්වයන් ද නිර්දය ලෙස නැවත සංස්කරණයන්ට භාජන වීමට ඉඩ තිබේ.
දායක වීමට පෙර උදව් පිටු පරිශීලනය කරන මෙන් අපි ඔබෙන් ඉල්ලා සිටිමු. අනෙක් විකිවලට වඩා අපගේ වැඩ පිළිවෙල වෙනස් ය. අපි පිටු සැකසුම ගැනත්, අන්තර්ගතය ගැනත් දැඩි යයි කිව හැකි නිර්ණායක මාලාවක් අනුගමනය කරමු. ඒ ගැන සැලකිලිමත් වන මෙන් අපි ඔබෙන් ඉල්ලා සිටිමු.
- කියවන්න, දැනගන්න පිටුවක් අරඹන්නේ කෙසේ ද?; පිටුවක් සකසන්නේ කෙසේද?
- ඔබ උගත් දෑ වැලිපිල්ලේ අත් හදා බලන්න.
- ප්‍රජා ද්වාරයට එන්න. ඔබට දායක විය හැකි අයුරක් සොයන්න. ඔබගේ අත්දැකීම් වලින් සිංහල විකිෂනරිය ගොඩ නංවන්න.
එයට භාෂාවක් අලුතින් එක් කිරීම, නව සටහන් එක් කිරීම සම්පූර්ණයෙන් ම ඔබට භාරය.
ඔබේ සෑම දායකත්වයක් ම සාදර සිතින් පිළි ගනු ලැබේ.
ලියාපදිංචිය
සංස්කරණයමෙම ශබ්දකෝෂ ව්‍යාපෘතියට දායක වීමට ලියාපදිංචි වීම අත්‍යාවශ්‍ය නොවේ. නමුත් ඔබ එසේ කරන්නේ නම් අපි වඩාත් තුටු වන්නෙමු. එවිට, ඔබගේ දායකත්වය වඩ වඩාත් සාර්ථකව ලබා දීමට, ඔබට උදව් ලබා දීමත්, අවශ්‍ය පසුබිම සකසා දීමත් අපට වඩාත් පහසු වේ.(එමෙන් ම ලියාපදිංචි වීම මගින් පිටු ඉතිහාසයෙහි ඔබේ IP ලිපිනය සඳහන් වීමද වළකා ගත හැකි ය.)
වික්ෂනරි ආචාර ධර්ම
සංස්කරණයඅපි සැවොම හැඟීම් දැනීම් ඇත්තෝ වෙමු. එම නිසා ඔබගේ සහෝදර සංස්කාරකවරුනට හැම විට ම ආචාරශීලි වන්න. ඔවුනගේ දොස් නිර්දය ලෙස විවේචනය නො කරන්න. කවර හෙයින් ද යත්, මෙහි ගිය නුවණ යළි කැඳවිය හැකි බැවිනි.
- අරමුණක් නො මැතිව වාද කිරීමෙන් වළකින්න. මෙය පොර පිටියක් හෝ වාද පිටියක් හෝ නොවේ.
- අපක්‍ෂපාතී වන්න. කවරාකාරයක හෝ දේශනා ඇතුළත් නො කරන්න.
- මෙය ශබ්දකෝෂයක් බව තරයේ සිහි තබා ගන්න. බලන්න බලන්න වික්ෂනරි කුමක් නොවේ ද?.
- අන් අයෙකු ගේ වැඩක් සංස්කරණය කිරීමට, හිත එතරම් සතුටක් නො දක්වන මුත්, එය ගැන ඔබට යමක් කීමට ඇති විටක, අදාළ සංවාද පිටුවේ ඔබේ අදහස සටහන් කරන්න. සංවාද වික්‍ෂනරියේ උන්නතිය උදෙසා ය.
වැඩිදුර තොරතුරු යොමුව
සංස්කරණයවැඩිදුර තොරතුරු සඳහා පහත පිටු බලන්න:
- පිටුවක් අරඹන්නේ කෙසේ ද?
- පිටුවක් සකසන්නේ කෙසේද?
- Staying cool when editing gets hot
- නිතර අසන ප්‍රශ්න
මෙහි වැඩ ගැන වඩාත් හොඳ අවබෝධයක් ලබන්න, ප්‍රජා ද්වාරයට හෝ උදව් සූචකයට හෝ පිවිසෙන්න.