෴
මෙම '෴' සං‌කේතය සිංහල බසෙහි විරාම ලක්‍ෂණයකි. එය 'කුණ්ඩලිය' නමින් හැඳින්වේ.[1][2] සමහර තැනෙක 'සර්ප ගැටය' නමින්ද හඳුන්වා ඇත.[3][4] සිංහල හෝඩියට අනුව අකුරක්වත් පිල්ලක් වත් නොවන නමුත් සිංහල බසට අනන්‍ය විරාම ලක්ෂණයක් වන හෙයින් යුනිකෝඩ් සම්මතය තුල U+0DF4 කේතය යටතේ[5] අන්තර්ගත කර තිබේ.
සිංහල පුස්කොල ලේඛන සම්ප්‍රදායේ දක්නට ලැබෙන වඩාත්ම ප්‍රකට විරාම ලක්ෂණය කුණ්ඩලියයි.[6] එය ලේඛනයේ අන්තර්ගත අදහස්වල අනුමිතිය (නිගමනාත්මක අවසානය) දැක්වීමට භාවිතා වී තිබේ. තනි කුණ්ඩලිය පරිච්ඡේදයක (Paragraph) අවසානය පෙන්වීමටත්, කුණ්ඩලි දෙක නැතහොත් තුන ඒකකයක (Section) අනුමිතිය පෙන්වීමටත්, කුණ්ඩලි දෙකේ යුගලයක් නැතහොත් තුනක් පරිච්ඡේදයක (Chapter) අනුමිතිය දැක්වීමටත් යොදාගෙන තිබේ.[7][8]
මෙය සිංහල ලේඛනයට අනන්‍ය වූ විරාම ලකුණක් නිසා ඉංග්‍රීසි භාෂක සමාජයට (මෙම ලක්ෂණ‌යේ ස්වභාවය) පහසුවෙන් සන්නිවේදනය කිරීම සඳහා කුණ්ඩලියෙන් ගම්‍යවන සංදර්භානුකූල අදහස ඉංග්‍රීසි බසේ Concluder යන වදනින් ප්‍රකාශ කෙරෙනු ඇත.
- ↑ 108 පිටුව, ශ්‍රී ලංකාවේ පුස්කොළ පොත් ලේඛන කලාව, ආරිය ලගමුව
- ↑ 42 පිටුව, සිංහල අකුරු පුරාණය, සඳගෝමී කෝපරහේවා
- ↑ Vol. 1, Catalogue of Palm Leaf Manuscripts in the Librabry of the Colombo Museum, W. A. De Silva
- ↑ 42 පිටුව, සිංහල අකුරු පුරාණය, සඳගෝමී කෝපරහේවා
- ↑ The Unicode Standard, Version 12.1 by the Unicode Consortium
- ↑ Page 26, THE ANATOMY AND HISTORICAL DEVELOPMENT OF SINHALA TYPEFACES, Sumanthri Samarawickrama
- ↑ 109 පිටුව, ශ්‍රී ලංකාවේ පුස්කොළ පොත් ලේඛන කලාව, ආරිය ලගමුව
- ↑ Page 26, THE ANATOMY AND HISTORICAL DEVELOPMENT OF SINHALA TYPEFACES, Sumanthri Samarawickrama